Parque de Peneda-Geres

Ponte de Santos. Novembro 2016. Primeira parada termas de Outariz en Ourense, sendeirismo pola beira do Miño, relax nas termas e pernocta. De mañá comezamos o noso itinerario polo Geres. Paramos a tres quilómetros de Bande (Ourense) para ver o xacemento romano Aquis Querquennis, situado a carón do río Limia e o pantano de As Conchas. Entramos polo Centro de Interpretación Aquae Querquennis-Vía Nova, imos ver as ruinas dun campamento militar romano que posiblemente controlaba a Vía Nova que vai de Braga a Astorga, foi levantado durante o Principado de Vespasiano (69-79 d. C.) e abandonado en torno ó 120 d. C. A Cidá, como chaman a este campamento está moi ben conservado, vense as murallas, as portas, barracóns...a grandeza do Imperio Romano.
No concello de Bande visitamos a igrexa visigoda que data do século VII, de Santa Comba de Bande, declarada Monumento Nacional en 1921, apenas podemos vela porque estaba en obras con andamios por todas partes e é tan pequena, pero parece preciosa, outra vez será.

 Centro de Interpretación Aquae-Vía Nova

 Xacemento romano Aquis Querquennis

Seguimos pola comarcal  OU 540 rumbo o Geres, paramos en Lobios para ver as termas e logo, deixando a comarcal que vai ó pantano de Lindoso collemos unha carretera estreita que nos leva ata Portela do Home, así entramos en Portugal, no Parque Nacional de Peneda-Geres. Aquí a carretera casi é un camiño asfaltado, pero precioso, como si entraras nun bosque encantado, será porque estamos no outono e as árbores teñen esa cor especial  e a auga baixa en cascadas pequenas, enchendo a senda de beleza e música. Dou grazas porque non ven ningún coche en sentido contrario, paramos no alto, Portela de Leonte e logo ata  Geres, pobo moi coñecido polas famosas termas e o balneario. Outra parada para encontrarnos co río Cávado, bonitas vistas e ata Braga.

 Antiga aduana en Portela do Home

Portela de Leonte

Braga, unha das cidades máis antigas de Portugal, coñecida como a cidade dos arcebispos, é tamen a terceira máis poblada do pais. Un casco histórico que invita a pasear e descubrir a cantidade de monumentos, Catedral, Pazo do Raio, Pazo Episcopal, Convento do Pópulo, Igrexa de Santa Cruz, Igrexa do Hospital de San Marcos, Igrexa dos Congregados..., pero ademais é unha cidade nova, dinámica, moderna, por eso esta vez non imos subir o Bom Jesus do Monte nin a Santuario de Sameiro, quedaremos disfrutando das rúas e o mercadiño. Para pernoctar eleximos o camping Braga que está a un paso da cidade.

Pazo do Raio

 Mercadiño de Santos

Igrexa Hospital de San Marcos

Pazo Episcopal de Braga

Galicia -Portugal

Vacacións de agosto 2016.  Pasar uns días, en Caminha de praia e de visita. En Vila Nova de Cerveira ir o mercado medieval e logo ata Portonovo para despois facer a rota de sendeirismo que fai o Presidente Rajoy por Armenteira, Ruta da Pedra e da Auga, por certo, o día que a fixemos coincidimos.

 Caminha

Así de bonita estaba Vila Nova de Cerveira, no Mercado Medieval.

A Ruta da Pedra e da Auga lévanos a beira do río Armenteira dende a parroquia de Barrantes (Ribadumia) ata o Mosteiro de Armenteira (Meis), vexetación autóctona, máis de 50 muiños de pedra, unha pequena aldea, saltos de auga, pequenas construccións abandonadas, ata chegar o Mosteiro, unha xoia da arquitectura relixiosa galega. 7 quilómetros de ida e 7 para volver, pero merece a pena, encantounos.

Mosteiro de Armenteira

Rías Baixas

Vacacións xullo 2016. A preciosa illa de Arousa en familia.

 Mirador  O Con do Forno, o punto máis alto da illa, alí encontrase a imaxe do Corazón de Xesús e as vistas máis bonita.

Praias fermosísimas.

O Faro de Punta Cabalo. Andar e andar, esta illa  sempre nos sorprenderá.


Xa solos, percorremos a península do Morrazo en Pontevedra, primeira parada Bueu, un pobo eminentemente pesqueiro con estupendas praias.

 Bueu

Paseo e praia ata o cabo Udra que pon fin a ría de Pontevedra para dar comenzo a ría de Aldán.

Aldán , un pobo tranquilo e precioso para ir de praias e facer rotas de sendeirismo. Quedamos na área de ACs  "Camping-car Aldán" cerca da praia de Arneles.

 Aldán

 O Bosque Encantado,  finca Frendoal, con abundante vexetación , un regato, o río Orxas, que corre paralelo a rota, ten un castelo medieval en miniatura, unha ponte e un acueducto "Arco de la Condesa". Precioso paseo cerca do pobo e da área de ACs.

Cruceiro de Hío, ubicado no atrio da igrexa de San Andrés na parroquia de Hío, construido nun só bloque de pedra, é unha das grandes maravillas etnográficas do patrimonio galego.

Logo de descansar imos facer a rota de sendeirismo por A Costa da Vela, un auténtico paraiso na punta da península do Morrazo, 12 quilómetros de bonitas paisaxes con vistas á ría de Vigo , coa sensación de que podes tocar as illas Cies que se encontran tan preto, que parece que podes ir a nado. Tres famosos faros protexen esta ría, Faro de Cabo Home, Faro de Punta Robaleira e Faro de Punta Subrido.

A rota comeza en Donón na Caracola, escultura de Lito Portela, bo sitio para aparcar. Comezamos camiñando por unha pista ancha ata que nos acercamos os faros de Cabo Home e Punta Robaleira, logo pasamos pola Praia de Melide, salvaxe, de area branca e augas cristalinas ata a punta Subrido, vemos a Praia de Barra e deixando a costa subimos o Monte Facho, lugar sagrado dos pobos prehistóricos, alí encontramonos con un castro e as mellores vistas das Rías Baixas.

 Rota Costa da Vela, ó fondo o Monte Facho

Os faros, ó fondo as Illas Cies.

 Punta Robaleira

 Faro de Cabo Home

 Punta Subrido.

Monte Facho

Acabando esta saida parada e pernocta en Portonovo, na comarca do Salnés, na ría de Pontevedra, cerca da praia de Baltar, e visita o pobo máis turístico de Galicia,  Sanxenxo.

 Portonovo

 Sanxenxo.