Portugal

Agosto de 2013. Despois de pernoctar en Vila Nova de Cerveira, pasamos Porto e imos a praia de Miramar, no concello de Vila Nova de Gaia. Un extenso areal cunha capela no medio da praia, Capela do Senhor da Pedra, un pequeno templo de orixen pagano convertido nunha igrexa que cando sube a marea queda rodeada de mar facendo frente as ondas do duro Océano Atlántico.

 Praia de Miramar

Paramos en Válega no concello de Ovar para ver outra curiosidade. A igrexa deste pequeno pobo e unha verdadeira  obra prima da arte da pintura dos azulexos. Toda a fachada está chea de azulexos policromados, e non só eso, pois enfrente está o cemiterio cas fotografias dos difuntos que parece que están controlando coas súas miradas quen entra e quen sae. Estaban de festa.

Válega

Aveiro, para pernoctar un lugar perfecto.

Desde Aveiro visitamos a famosa Fábrica de Porcelana de Vista Alegre en Ílhavo , non só é unha fábrica, senón un conxunto monumental que se pode visitar, ten museo,xadíns, tenda, igrexa, vivendas...como un pequeno pobo.

 Fábrica de Porcelana de Vista Alegre

Paramos en Ílhavo e logo a Gafanha de Nazaré, están na festa do bacalao. Gafanha ten un barco museo que se pode visitar, tamén están as salinas e un faro que,  xunto co da Barra, señalan a entrada da ría de Aveiro. 

 Gafanha de Nazaré

Deixamos Aveiro e imos a Reserva Natural das Dunas de Sao Jacinto, esta península dunar por un  lado ten o Océano  Atlántico e polo outro o canal de Ovar na ria de Aveiro.

Sao Jacinto é un pobo pequeno  de pescadores no final da península, un pouco máis grande é Torreira con dúas praias, unha oceánica e outra na ría, esta última está preciosa en marea alta.

 Sao Jacinto

Praia de Torreira

Antes de voltar para a casa uns días na Illa de Arousa. Un paraiso para visitar e perfecto para camiñar, o Faro de Punta Cabalo, o Mirador O Con do Forno, Parque Natural do Carreirón, Muiño das Mareas...e praias preciosas, encántame este sitio.

 Illa de Arousa